fbpx

Lets light up Kouga

Die Kouga besigheidsforum is trots om die wenners bekend te maak van die “Lets light up Kouga” projek waar die forum met die Kouga munisipaliteit saamgespan het om die projek te kon loods.

Besighede is genader om in te skryf vir die kompetisie tydens Desember 2019 om te help om Kouga te verfraai. Die wenner was nie noodwendig net op liggies beoordeel nie maar ook kreatiwiteit.

Daar was soveel inskrywings dat die KBF en die Kouga munisipaliteit besluit het om weer die jaar so ‘n kompetisie te loods met nog groter pryse te wen.

Die wenners het almal advertensie spasie op sosiale media asook gedrukte media gewen,sertifikate en dan het die eerste plek ‘n pragtige wisseltrofee ontvang wat geskenk is deur die Agbare Burgemeester Horatio Hendriks se kantore.

Article continues below...

1 ste plek – Die Potters gebou op die h/v Oosterland en St Francis Straat, Jeffreysbaai
2e plek – Tolbos Restaurant in Patensie
3e plek – Mr Pells House in St francis Straat, Jeffreysbaai

Die prysuitdeling het plaasgevind op Vrydag oggend 24 Januarie 2020 in die Burgemeester se kantore gedurende ‘n smaakvolle plegtigheid wat geborg is deur die Kouga besigheidsforum.

Die pryse is oorhandig deur die Munisipale bestuurder Mnr Charl du Plessis, Raadslid Brenton Williams en Raadslid Daniel Benson.